KURATICA

КУРАЈЧАНИ И ОФИЦИЈАЛНО КЕ ДОБИЈАТ СКИЛИФТ

KURAJCA — Sat, 23 Oct 2010 17:11:38 GMT

Месната заедница и официјално може да потврди дека Куратица наскоро ке добие Скилифт.

По денешните завршни разговори со сопственикот на скилифтот , договорено е купување на скилифтот .
Скилифтот е во должина од 700м. Сега следува фаза на негово демонтирање и транспортирање за Македонија (Куратица).
Времето за негова демонтажа најмногу зависи од временските услови (бидејки швајцарските алпи се веке под снег).

Со ова се остварува сонот на Курајчани, да имаат скијачки центар , а воедно и Општина Охрид.

Со повеке детали во наредните неколку дена.

СКИЛИФТ ВО КУРАТИЦА

KURAJCA — Tue, 19 Oct 2010 18:01:27 GMT

Месната Заедница согласно програмата за развој на с.Куратица ,рурален развој (туризам спортови...) , Во тек е постапката за набавка на СКИЛИФТ. Ски лифтот најверојатно ке биде набавен од Швајцарија(каде и се вршат разговорите за набавка).Разговорите се во завршна фаза , по што ке се разгледува постапката за поставување во Куратица.
Се надеваме дека конечно ке се оствари сонот на Курајчани , да имаат СКИЛИФТ
Дали конечно и Општина Охрид ке го добие првиот СКИЛИФТ.

19.10.2010

Совет на МЗ Куратица

Ангелоски Горан

ПАРКИНГ ПРОСТОР

KURAJCA — Mon, 11 Oct 2010 20:15:17 GMT

Минатата недела се поставиа бетонските цевки, кои локалната самоуправа ги имаше ветено. Целт ана поставувањето на цевките е да сe обезбеди повеке паркинг простор , за позначајни манифестации, како што е Карневалот, за кој секоја година има недостаток од паркинг простор. со ова се добива простор за околу 50 воѕила плус. Благодарност до локалната власт.

ФОНТАНИ и ЈАВНИ ТОАЛЕТИ ВО КУРАТИЦА

KURAJCA — Mon, 11 Oct 2010 19:25:20 GMT

Наскоро Куратица ке се поднови, со 2 фонтани, ке се прочисти дел од речното корито,
Средствата за изработка на фонтаните се обезбедени преку Проект на МЗ Куратица што го доби од Бирото за Регионален развој

Покрај фонтаните до крајот на Ноември Куратица ке добие и „Јавни Тоалети„
Тоалетите ке бидат ке се изработат со средства донирани од наши иселеници, кои веке се обезбедени.

ОБРАЌАЊЕ ДО ЈАВНОСТА (освежување на меморијата)

KURAJCA — Wed, 01 Sep 2010 11:24:24 GMT

Поттикнати од "силните” изјави на првите луѓе на партијата на власт ВМРО – ДПМНЕ и најголемата опозициска партија СДСМ на вчерашните прес конференции во стилот "М.М.М.Е ... кој прв почна” и кој од нив во изминатите 20 години повеќе придонесол за катастрофалните состојби во Охрид, јавно го искажуваме својот револт како граѓани на Општина Охрид. Во таа насока во голем дел се согласуваме со ставовите искажани во текстот "За Охрид се работит” и како месна заедница со неколку конкретни примери сакаме да им ја "освежиме” меморијата на оние кои во блиска или подалечна иднина себеси се гледаат како градоначалници или функционери во нашата општина.

Очигледно е дека раководните структури на двете политички партии сосема се изолирани во некаков само за нив препознатлив свет кој што нема никакви допирни точки со реалноста на граѓаните чии што гласови утреден претендираат да ги освојуваат.

Господине Атанаско и Господине министре Димовски, Ви се обраќаме на Вас затоа што пред се представувате политичка партија на власт во државата а од она што ќе го изложиме ќе видите дека голем број на наши проекти со години не се реализираат. (иначе зборот проект во вашите говори веќе е толку излитен што би требало одма да го исфрлите од употреба или треба да се замени со : ДОГОВОР ВО 4 ОЧИ ???). Пред да Ве запознаеме со вистински конкретни поднесени проекти за кои што не се потребни огромни финансиски средства а се од ВИТАЛЕН ИНТЕРЕС И ЗНАЧЕЊЕ ЗА РУРАЛНИТЕ ЗАЕДНИЦИ, сакаме да Ве запрашаме дали Вие воопшто си ја познавате територијата на Општина Охрид..? Знаете ли Вие Господа каде се наоѓа селото Куратица? Завој? Опеница? Косел? Ливоишта? Речица? Да не набројувам понатаму??

Познат ли Ви е зборот РУРАЛЕН РАЗВОЈ??

Што се однесува на Вашите изјави за ГОООЛЕМИ ПРОЕКТИ сакаме да Ве информираме дека за овие рурални заедници ГОООЛЕМ ПРОЕКТ представува ОБНОВА НА ЕЛЕКТРИЧНИТЕ ТРАНСФОРМАТОРИ КОИ ШТО СЕ ПОСТАВЕНИ УШТЕ ВО Втората светска војна МИНАТИТ ВЕК, ГОООЛЕМ ПРОЕКТ представува ОБНОВА НА РАСПАДНАТАТА ВОДОВОДНА МРЕЖА ВО СЕЛАТА, ГОООЛЕМ ПРОЕКТ ПРЕДСТАВУВА ОБНОВАТА НА РАСПАДНАТИТЕ УЧИЛИШНИ И ДРУГИ СЕЛСКИ ОБЈЕКТИ ПО СЕЛАТА КОИ ШТО БИ МОЖЕЛЕ ДА СЕ КОРИСТАТ КАКО ЗА ЈАВНИ МАНИФЕСТАЦИИ И ПОТРЕБИ ТАКА И ЗА ТУРИСТИЧКИ ЦЕЛИ и да не набројуваме понатаму...

За Ваша информација и за информација на Охридската и поширока јавност како и за ИНФОРМАЦИЈА НА ВАШИТЕ НАЈВИСОКИ ПАРТИСКИ СТРУКТУРИ, на кои вие како функционери секогаш им пренесувате лажни информации за состојбите како со членството така и со граѓаните воопшто , во продолжение ќе Ви наброиме само ЕДЕН ДЕЛ ОД ИЗРАБОТЕНИ И ПОДНЕСЕНИ ПРОЕКТИ ДО РАЗНИ ДРЖАВНИ ИНСТИТУЦИИ од страна на Месната заедница од Куратица. Некои од проектите се дури и одобрени и подпишани договори за реализација со министерства или агенции уште пред цела една година, меѓутоа Господа ДО ДЕН ДЕНЕС НЕ Е ПРЕФРЛЕН НИТУ ЕДЕН ДЕНАР ЗА РЕАЛИЗАЦИЈА.

1. Предлог проект Рашанец, Марково долче – Грмешница- Патека на војводата Аргир Маринчев – со кој што еднаш после 105 години треба да се обележи гробот и патеката на Војводата и на борбите од Рашанец 1903 година. Ако не знаете ништо за ова погледајте на: http://www.macedonium.org/Macedonium.aspx?jazik=2&kid=1&pid=3&ppid=55&tid=1126

Проектот е поднесен до Генералниот секретаријат на Владата на Република Македонија на Јавен Повик, на 18 фебруари 2010 година. ДО ДЕН ДЕНЕС НЕМАМЕ НИТУ ИНФОРМАЦИЈА ЗА БИЛО КАКВА ОДЛУКА ИЛИ ИЗБОР.

2. Проект: Водовод Слива – со кој што е предвидено да се изврши ИТНА САНАЦИЈА НА КАПТАЖИТЕ НА СЕЛСКИОТ ВОДОВОД И ЗАФАТ ЗА ЗГОЛЕМУВАЊЕ НА КАПАЦИТЕТОТ НА СЕЛСКИОТ ВОДОВОД. Итноста произлегува Господине Атанаско од фактот што со секоја инспекција и утврдување на квалитетот на водата за пиење не само во селото Куратица туку и во останатите селски населби таа се забранува за пиење. (21 век..? )

3. Проект: "Живот на 1100 метри” – кој што треба да обезбеди средства за РЕДОВНО НЕОПХОДНО ГОДИШНО ЧИСТЕЊЕ на селските патишта од вегетација, да се очистат селските канали заради опасност од поплави и да се уредат јавните селски чесми. Проект за кој што УШТЕ ВО ДЕКЕМВРИ 2009 ГОД. Е ПОДПИШАН ДОГОВОР ЗА РЕАЛИЗАЦИЈА со Бирото за регионален развој во склоп на Министерството за локална самоуправа – И КОЈ ШТО ДО ДЕН ДЕНЕС НЕ Е ЗАПОЧНАТ СО РЕАЛИЗАЦИЈА, бидејки не е префлен НИТУ ЕДЕН ЕДИНСТВЕН ДЕНАР за проектните активности.

4. Проект: За ЧИСТЕЊЕ НА ДИВИТЕ ДЕПОНИИ И РЕГУЛАЦИЈА НА РЕЧНИТЕ КОРИТА во атарот на селото Куратица и Речица, водотеци кои се дел од сливното подрачје на Охридското езеро, доставен до Министерството за животна средина и просторно планирање на Јавен Повик. На жалост Господине Атанаско, наместо да се одобрат вакви проекти на месни заедници и цели села, средствата во Охрид се доделија на НОВОФОРМИРАНИ ЗДРУЖЕНИЈА НА ГРАЃАНИ ОД ПРЕД ЧЕТИРИ МЕСЕЦИ (чии се овие здруженија, кои добиваат проекти само после четири месеци од формирање??)

5. Проект: Василичарски Карневал во селото Куратица – проект кој што УПОРНО ГО ПОДНЕСУВАМЕ ДО МИНИСТЕРСТВОТО ЗА КУЛТУРА И ДРУГИ ИНСТИТУЦИИ СО ГОДИНИ НАНАЗАД – До ден денес НЕ СМЕ ДОБИЛЕ НИКАКВА ПОДДРШКА.

Има уште многу Господа, се работи за Заедница која што е витална, која што со векови опстојува дури и без вашата помош. Заедница КОЈА ВИЕ НЕ ЈА ПОЗНАВАТЕ ВООПШТО, Заедница која угостила голем број на функционери и пратеници КОИ ШТО ОД СЕТО ШТО БИЛО РАЗГОВАРАНО НЕ РЕАЛИЗИРАЛЕ НИШТО. Заедница во која што живеат луѓе за кои што ЕВРОПА не е никаков баук и непознаница. Напротив, голем дел од овие луѓе дел од својот живот го поминале и сеуште го поминуваат во ТАА ЕВРОПА. Затоа немојте кога ќе разговарате со нив, Вие или Вашите млади европски кадри (кои што не знаат како функционира ниту една месна заедница), да им кажувате за Европа. Во таа Европа Господа скоро една третина од буџетите се трошат ЗА РУРАЛЕН РАЗВОЈ И ИНФРАСТРУКТУРА. Со таков развој ГРАДОТ ЌЕ БИДЕ ГРАД а селото толку неопходно на градот ке биде СЕЛО. Модерно, развиено, со свои вредности, традиции, обичаи, со еден збор ЕВРОПСКО СЕЛО.

Со почит

Совет на МЗ Куратица

Горан Ангелоски

Предсетател

__________________

ПОДНЕСЕНО БАРАЊЕТО ЗА ИЗМЕНИ НА ОДЛУКИТЕ НА СОВЕТОТ

KURAJCA — Tue, 17 Aug 2010 08:34:12 GMT

Како што беше договорено на заедничката средба помегу претседателот на Мз Куратица и директорот на ЈП Охридски Комуналец, На 13.08.2010 Советот на МЗ Куратица го поднесе барањето за измени на одлуките од Септември 2009 год.

Се надеваме дека советот веке на следната Седница ке ги усвои овие измени.

Со почит
Совет на Месна Заедница с.Куратица

Ангелоски Горан

НЕСОВЕСНОСТ

KURAJCA — Fri, 13 Aug 2010 09:53:31 GMT

Вака изгледа само еден дел на потегот помегу Косел и Опеница. Наместо паркинг за возила, мини депонии.
Може да се напомене дека под самите паркинзи(мини депонии) е реката Рашанец (Коселска река понатаму) , која се влива во Охридското езеро.
Со есенските дождови можеби ке се случи истото што беше актуелно цела зима и пролет( целото губре ке пристигне во езерото)

На некои очигледно им е предалеку депонијата Буково

Можеби е редно и надлежните да превземат нешто, (КОНЕЧНО ДА БИДЕ НЕКОЈ КАЗНЕТ)

КУРАЈЧКИ СРЕДБИ

KURAJCA — Thu, 12 Aug 2010 09:40:09 GMT

14 /01/од 20:00 часот ке се одржат Курајчки Средби 2010
Ве покануваме сите кои сакате да присуствувате на оваа забава и дружење,кое е со цел
да се сретнеме сите на едно место после долго време (можеби и децении)
Вечерта ке е збогатена со пијалок храна , а за музичкиот дел ке се погрижи групата Маестрал од Битола
Повелете дојдете на Курајчкото средсело да поминиме уште една убава вечер сите заедно

МАТЕМАТИКИТЕ НА ЕДЕН АЛЧЕ(Н)

KURAJCA — Mon, 26 Jul 2010 06:29:25 GMT

МАТЕМАТИКАТА НА ЕДЕН АЛЧЕ(Н)

Вака гласи насловот на последното обраќање на Алче(н) на страниците на охридњус:

М.З. Куратица да ги чита законите

И секако, бидејки ние не сме мрзливи луѓе што работат со туѓи пари и крчмат имот на сите граѓани на Општина Охрид, го отворивме линкот на ЈП Охридски Комуналец, кој ни го посочува Г-динот алче(н), а кој што БИ ТРЕБАЛО ЗАКОНСКИ ДА НЕ ПРОСВЕТЛИ. И...? што ќе видиме таму?? Истото она што со денови во недостаток на аргументи ни го повторува г-динот по електронските медиуми.

Кога веке сме кај Закони, искрено речено во најмала рака е ВУЛГАРНО човек што стопанисува со илегална депонија за обавување на својата дејност, НАС ДА НЕ ПОСОЧУВА КАКО КРШИТЕЛИ НА ЗАКОНСКИ ПАРАГРАФИ. Депонија која што на овој рурален крај еден од најпошумените и најубави предели, најбогати екосистеми со животински и растителен свет му нанесува огромни еколошки штети.

Од друга страна, човек кој се повикува на ЗАКОН би требало да знае дека во атарот на селото Куратица (како и насекаде во РМ), Е КРИВИЧНО ДЕЛО ТЕСТИРАЊЕ НА РАЗЛИЧНИ ОГНЕНИ ОРУЖЈА и ДЕКА НАШИТЕ ОКОЛНИ ШУМИ И ВИСОРАМНИНИ НЕ СЕ ВОЕН ПОЛИГОН за изживување на сопствени фрустрации. ПОЗНАТ ВИ Е ОВОЈ ЗАКОН г-дине??. Толку за тоа (за сега!!!).

Најболната страна во "ИЗЖИВУВАЊЕТО” на г-динот алче(н) е фактот кој што тој никако не успева да го разбере а тоа е дека НЕ МОЖЕ ДА СЕ НАПЛАЌА ПО НИТУ ЕДЕН ЗАКОН НЕШТО ЗА ШТО ГРАЃАНИНОТ НЕ ДОБИВА УСЛУГА. Уште попоразувачки е тоа што тој си дозволува да ги изедначува тарифите за наплата на надомест помеѓу еден БОГАТ СОПСТВЕНИК НА ВИКЕНД СТАН ВО ОХРИД и СОПСТВЕНИЦИТЕ НА СТАРИТЕ СЕМЕЈНИ КАМЕНИ КУЌИ ВО СЕЛОТО КУРАТИЦА кои секој слободен ден и викенд доаѓаат, обавуваат различни дејности и живеат во селото.

Само за илустрација: ОВИЕ ЖИТЕЛИ НА СЕЛОТО г-динот алче(н), ГИ ИЗЕДНАЧУВА СО ПОСЕДНИЦИТЕ НА ЛУКСУЗНИ ВИКЕНД СТАНОВИ ВО ОХРИД ПА ЗАТОА ГОДИШНИТЕ ПАУШАЛИ ЗА КОМУНАЛЕН НАДОМЕСТ ГИ ИЗЕДНАЧИЛ – 1995 (со зборови илјадаидеветстотинидеведесет и пет денари) ДЕНАРИ ЗА 90 ТАКВИ ДОМАЌИНСТВА ВО КУРАТИЦА. Во прилог доставуваме фотокопија од една таква сметка за да се увери јавноста во Општина Охрид и пошироко. Само по тој основ од селото и од селските домаќинства годишно треба во касата на г-динот алче(н) да се одлеат 179550 денари или околу 3000 евра. Пари за кои што СЕКОЈА ГОДИНА СОВЕТОТ НА МЕСНАТА ЗАЕДНИЦА И ГРАДОНАЧАЛНИКОТ НА ОПШТИНАТА ВЛОЖУВААТ

ОГРОМНИ НАПОРИ ОД РАЗНИ ДОНАТОРИ, ИНСТИТУЦИИ ИЛИ ДРУГИ ИЗВОРИ ДА СЕ ИНВЕСТИРААТ ВО СЕЛОТО А НЕ ДА СЕ ОДЛЕАТ.

НЕ МОЖЕ Г-ДИНЕ АЛЧЕ(Н)!! НЕ МОЖЕ ! NO PASARAN! Ние знаеме дека сте навикнале пред вас да ги подвиваат кичмите, ама мораме да Ве информираме дека ОВА СЕЛО ОПСТОЈУВА ВЕКОВИ САМО ЗАРАДИ ТОА ШТО ТАКВОТО ВИТКАЊЕ НА КИЧМАТА НЕ ИМ Е СВОЈСТВЕНО НА ОВИЕ ЛУЃЕ.

И наместо со една сеопфатна стратегија за развој и опстојување на овие рурални, пасивни и неразвиени краеви да СЕ СТИМУЛИРА ПА ДУРИ И ФИНАНСИСКИ ДА СЕ ПОМАГА РАЗВОЈОТ И ОПСТОЈУВАЊЕТО НА ЖИТЕЛИТЕ, како што тоа неколку години наназад го прават со заедничка соработка месната заедница со Градоначалникот на Општина Охрид и други институции, ВАКВИ КАКО ВАС СЕ ПРЕЧКА ВО ТОЈ ПРОЦЕС. НЕМА МОДЕРЕН ГРАД И ДРЖАВА БЕЗ РАЗВИЕНО СЕЛО г-дине? ГЛЕДАТЕ ЛИ БАРЕМ НЕШТО НА ВАШИТЕ ПАТУВАЊА ПО ЕВРОПА И СВЕТОТ??

Познато е ова село пошироко и подалеку од Вас, Вашата функција и Вашето име г-дине.

Загрижува секако во моментов ЗОШТО НЕМА НИКАКВА РЕАКЦИЈА НА ОВОЈ СЛУЧАЈ ОД НИТУ ЕДЕН ГРАЃАНСКИ ИЛИ ПОЛИТИЧКИ ФАКТОР ВО ОХРИД?? И вие, секако охрабрени од овој молк продолжувате да се однесувате така како што сте навикнале.

КАДЕ СЕ СОВЕТНИЦИТЕ ВО СОВЕТОТ НА ОПШТИНА ОХРИД?? КАДЕ Е СДСМ?? КАДЕ Е ВМРО-ДПМНЕ?? За што мислат нивните раководства да се произнесуваат ако не ЗА ИНТЕРЕСИТЕ НА СВОИТЕ ГРАЃАНИ??

Советот на Месната заедница од село Куратица, за овој проблем ќе ги информира СИТЕ ПОЛИТИЧКИ И ГРАЃАНСКИ СУБЈЕКТИ (па дури и лидерите на овие политички партии Г-динот Црвенковски, Премиерот на РМ г-динот Груевски и Председателот на Советот на Општина Охрид), и ќе бара на Седница на Советот да се отвори расправа за Вашиот однос.

овие Куќи се исти како во Куратица

Оваа куќа е иста како во центарот на Охрид, и има исти давачки.

Совет на МЗ Куратица

Претседател:

Г. Ангелоски

--------------------------------- Понеделник 26 јули, 2010

РЕАКЦИЈА ДО ГОСПОДИНОТ АЛЧЕН

KURAJCA — Fri, 23 Jul 2010 00:13:53 GMT

РЕАКЦИЈАТА НА Г-динот САШО АЛЧЕВ

Своево обраќање до Охридската јавност ќе го започнам со последниот пасус од Вашата реакција:

Г-дине Алчев,

НА ЕДЕН ПРЕТСЕДАТЕЛ НА МЕСНА ЗАЕДНИЦА ВО СЕЛОТО КУРАТИЦА НИКОГАШ, повторувам НИКОГАШ НЕ МУ Е СВОЈСТВЕНО И НЕ МУ ПАЃА НА ПАМЕТ, НАПРОСТО НЕ Е ВО НЕГОВИОТ МЕНТАЛИТЕТ ДА МАНИПУЛИРА СО СВОИТЕ СОСЕЛАНИ ИЛИ БИЛО КОЈ ДРУГ ГРАЃАНИН. Така било од Памтивека, од востанието во Рашанец 1903 та, преку дочекот на Војводата Христо Узунов и неговата чета, до славната смрт на Војводата Аргир Маринчев во клисурата Грмешница (чиј гроб патем речено е заборавен од сите), па се до денес кога ПРЕТСЕДАТЕЛОТ НА СОВЕТОТ НА МЕСНАТА ЗАЕДНИЦА ГО БИРААТ ДИРЕКТНО НЕГОВИТЕ СОСЕЛАНИ, за да ги решава нивните најнепосредни и најгорливи проблеми.

Нажалост Г-дине Алчев, МАНИПУЛИРАЊЕТО И ЛАГИТЕ СЕ СВОЈСТВА КОИ НАЈЧЕСТО ОДАТ ВО КОМБИНАЦИЈА СО ИМЕНУВАНИ ФУНКЦИИ КАКО ШТО Е ВАШАТА. Толку за тоа.

Второ: Г-дине Алчев, НЕ МОЖЕТЕ ВАШЕТО ЛИЧНО "ИЗНЕНАДУВАЊЕ” од мојата реакција да го сокривате зад поимот ЈП Комуналец, што само по себе е нелогично ЈАВНА ИНСТИТУЦИЈА ДА БИДЕ ИЗНЕНАДЕНА.

Трето: Претседател на месна заедница како што Ви кажав се избира со ЈАВНО И ДИРЕКТНО ГЛАСАЊЕ НА ЖИТЕЛИТЕ НА МЕСНАТА ЗАЕДНИЦА и тоа според еден единствен критериум: ДА БИДЕ ВО СОСТОЈБА ДА ГИ РЕШАВА НАЈЕЛЕМЕНТАРНИТЕ ПОТРЕБИ НА ЖИТЕЛИТЕ НА ЗАЕДНИЦАТА. Навредите од типот "елементарното непознавање на законите во РМ” се својствени само за ОНИЕ КОИ ТИЕ ЗАКОНИ ГИ "ПОЗНАВААТ” само од гледна точка на НАМЕТНУВАЊЕ НА НОВИ ДАВАЧКИ БЕЗ ПРИ ТОА ДА ГО СОГЛЕДААТ ДРУГИОТ КРАЈ НА СТАПОТ – ДАВАЊЕ НА УСЛУГИ ЗА НАМЕТНАТИТЕ ДАВАЧКИ.

Јас Г-дине Алчев сосема јасно Ве запрашав

Во интерес на вистината да одговорите на неколку прашања:

1.   Која е таа институција која што може и смее да наплаќа услуги кои не ги дава??
2.   Доколку е законска обврска, тогаш дали е законска обврска само собирање на парите на граѓаните или и извршувањето на услугата која се наплаќа??
3.   Г-дине Директоре, Ве молиме да ни наведите БАРЕМ ЕДНА (Е Д Н А ) услуга која ја вршите во селото или на територија на селото Куратица од категоријата на ЈАВНА ЧИСТОТА ?? - можеби чистење на селските сокаци??, можеби селските речни корита??, можеби селските тротоари и тревници ?? или селското средсело ?? можеби ја уредувате вегетацијата ??

Исто така Г-дине Алчев, НЕМА ШТО ВИЕ МЕНЕ ДА МЕ УПАТУВАТЕ ДА БАРАМ ИЗМЕНИ ВО ЗАКОН БИДЕЈКИ јас својата работа си ја вршам ВОЛОНТЕРСКИ И ОД ЉУБОВ КОН ОНА ШТО ГО РАБОТАМ. Ако некој тоа треба да го прави Г-дине Алчев, тоа СТЕ СЕКАКО ВИЕ КАКО ИМЕНУВАН ИЛИ НАЗНАЧЕН ФУНКЦИОНЕР ПЛАТЕН ОД ДАНОЦИТЕ НА ГРАЃАНИТЕ НА ОВОЈ ГРАД И ОПШТИНА. Или да се менуваме со работните места Г-дине??

Четврто: Да не е смешно би било навистина трагично Г-дине Алчев, да се повикувате на СНЕГОТ И МРАЗОТ на локалниот пат до селото Куратица, на локалните канали и уште што ли не (на вештерки можеби ?) и заслугите за одржување на истите да си ги припишувате СЕБЕ СИ??

За Ваша информација, во овој планински предел на Општината Охрид преку зима знае да наврне и до 1 метар снег, меѓутоа години наназад патниот правец не бил ниту еден ден затворен и секогаш бил НАВРЕМЕНО ЧИСТ МЕЃУТОА ТОА Е ИСКЛУЧИВА ЗАСЛУГА НА ГРАДОНАЧАЛНИКОТ НА ОПШТИНА ОХРИД АЛЕКСАНДАР ПЕТРЕСКИ А НЕ НА ВАС И ВАШАТА СЛУЖБА.

За крај и покрај МОЕТО "НЕПОЗНАВАЊЕ” на нештата, КАКО Е МОЖНО ДА ТВРДИТЕ ДЕКА СИТЕ ОВИЕ АКТИВНОСТИ СЕ ФИНАНСИРААТ ОД ПАРИТЕ КОИ ПО ОВОЈ ОСНОВ ГИ СОБИРА ВАШЕТО ПРЕТПРИЈАТИЕ А ОД ДРУГА СТРАНА ЗА СЕКОЕ БАРАЊЕ ЗА ИНТЕРВЕНЦИЈА ДО ВАС КАЖУВАТЕ ДЕКА ТОА НЕ Е ВО ВАША НАДЛЕЖНОСТ И ДЕКА ТРЕБА ДА ДОБИЕТЕ НАЛОГ ОД ОПШТИНАТА ??? И ДЕКА ВИЕ ГИ СОБИРАТЕ ПАРИТЕ ОД ГРАЃАНИТЕ ЗА ПОТРЕБИТЕ НА ЛОКАЛНАТА САМОУПРАВА???

Можеби ние двајца "РАЗЛИЧНО” НЕ ГИ ПОЗНАВАМЕ РАБОТИТЕ ??

Месната заедница е Г-дине Алчев основен облик на месната самоуправа, каде што граѓаните најнепосредно ги остваруваат своите права, потреби и секако обврски како што сосема исправно секогаш и секаде истакнува Градоначалникот на Општината, за чие што залагање и заложби секогаш сме благодарни и кој што СЕКОГАШ И ПРИ РЕШАВАЊЕ НА СЕКОЈ ПРОБЛЕМ ГО ЗЕМА ВО ПРЕДВИД ОНА ШТО ЈАС ВИ ГО НАПИШАВ: ДЕКА ПРИ РЕШАВАЊЕ НА ПРОБЛЕМИТЕ ВО ПАСИВНИТЕ И НЕРАЗВИЕНИ ПЛАНИНСКИ НАСЕЛБИ МОРА ДА СЕ ЗЕМАТ ВО ПРЕДВИД СИТЕ ФАКТОРИ НА ЕДНО ЕКСТРЕМНО РУРАЛНО ЕКОНОМСКИ НЕРАЗВИЕНО, ПЛАНИНСКО ПОДРАЧЈЕ. Вие тоа очигледно не го разбирате.

Доколку уште некои работи не ви се јасни , а треба да ги објасниме , ве повикувам на еден од локалните медиуми ,па заедно да се доодговора на поставените прашања. Или дојдете до Куратица па пред селаните да дообјасниме.

Со почит

Совет на МЗ Куратица

Претседател

Г. Ангелоски

------------------------------------------

Куратица, 22 јули, 2010